ഇന്ത്യ – ഇംഗ്ലണ്ട് ക്രിക്കറ്റ് ലോകകപ്പ് ഫൈനൽ നാളെ; മത്സരം ലൈവ് കാണാം.

പ്രഥമ ഐസിസി അണ്ടർ 19 വിമൻസ് ടി-ട്വന്റി ലോകകപ്പ് ഫൈനൽ നാളെ നടക്കും. സൗത്താഫ്രിക്കയിലെ സെൻവെസ് സ്പോർട്സ് പാർക്ക് സ്റ്റേഡിയത്തിൽ ഇന്ത്യൻ സമയം വൈകിട്ട് 5:30നാണ് മത്സരം. ഫൈനലിൽ ഇന്ത്യയും – ഇംഗ്ലണ്ടുമാണ് ഏറ്റുമുട്ടുന്നത്. സെമി ഫൈനലിൽ ന്യൂസിലാന്റിനെ പരാജയപ്പെടുത്തിയാണ് ഇന്ത്യ ഫൈനൽ ബെർത്ത് ഉറപ്പിച്ചതെങ്കിൽ, സെമിയിൽ ശക്തരായ ഓസ്‌ട്രേലിയയെ തറപറ്റിച്ചാണ് ഇംഗ്ലണ്ട് ഫൈനൽ യോഗ്യത ഉറപ്പിച്ചത്. ഫൈനൽ മത്സരത്തിന്റെ ലൈവ് ടെലികാസ്റ്റ് സ്റ്റാർ സ്പോർട്സ്‌ ചാനലിലും, ലൈവ് സ്ട്രീമിംഗ് ഹോട്ട്സ്റ്റാറിലും ലഭ്യമാവും.