വനിതാ ടി20 ലോകകപ്പില്‍ നാളെ ഇന്ത്യ-പാകിസ്ഥാന്‍ മത്സരം. വൈകിട്ട് 6.30ന് ന്യൂലാന്‍ഡ്സ് ക്രിക്കറ്റ് ഗ്രൗണ്ടിലാണ് മത്സരം. ഇംഗ്ലണ്ട്, അയര്‍ലന്‍ഡ്, വെസ്റ്റ് ഇന്‍ഡീസ് എന്നിവരാണ് ഗ്രൂപ്പ് ബിയിലെ മറ്റു ടീമുകള്‍. പത്ത് ടീമുകളാണ് ലോകകപ്പില്‍ പങ്കെടുക്കുന്നത്. പ്രാഥമിക ഘട്ടത്തില്‍ അഞ്ച് ടീമുകള്‍ വീതമുള്ള രണ്ട് ഗ്രൂപ്പായി തിരിച്ചാണ് മത്സരം. ഓരോ ഗ്രൂപ്പിലേയും ആദ്യ രണ്ട് സ്ഥാനക്കാര്‍ സെമിയിലേക്ക് യോഗ്യത നേടും.
ഗ്രൂപ്പ് എയില്‍ ഓസ്ട്രേലിയ, ബംഗ്ലാദേശ്, ന്യൂസിലന്‍ഡ്, ദക്ഷിണാഫ്രിക്ക, ശ്രീലങ്ക.
ഗ്രൂപ്പ് ബിയില്‍ ഇംഗ്ലണ്ട്, ഇന്ത്യ, അയര്‍ലന്‍ഡ്, പാകിസ്ഥാന്‍, വെസ്റ്റിന്‍ഡീസ്.
കന്നി ലോകകിരീടം തേടിയാണ് ഇന്ത്യ കളത്തിലിറങ്ങുന്നത്. കഴിഞ്ഞ തവണ ഫൈനലിൽ കൈയ്യകലെ നഷ്ടമായ ട്വന്റി-20 ലോകകിരീടം ഇത്തവണ കൈപ്പിടിയിലൊതുക്കാനാണ് ഇന്ത്യയുടെ ശ്രമം. മത്സരങ്ങളുടെ ടെലികാസ്റ്റ് സ്റ്റാർ സ്പോർട്സ് ചാനലിൽ ലഭ്യമാവും. ഹോട്ട്സ്റ്റാറിലാണ് ഓൺലൈൻ സ്ട്രീമിംഗ് സൗകര്യം.
Leave a reply