ലോകകപ്പിൽ ശേഷിക്കുന്ന മത്സരങ്ങളിൽ നിന്ന് ഉപനായകൻ രോഹിത് ശർമ്മയെ ഒഴിവാക്കുമോ എന്ന മാധ്യമപ്രവർത്തകന്റെ ചോദ്യത്തിന് മറുപടിയുമായി നായകൻ വിരാട് കോലി. രോഹിത് ശർമ്മയെ ഒഴിവാക്കുമോ എന്നാണ് ഒരു മാധ്യമപ്രവർത്തകൻ ചോദിച്ചത്. രോഹിത് ശർമ്മയും വിരാട് കോലിയും തമ്മിൽ അഭിപ്രായവ്യത്യാസമുണ്ടെന്ന വാർത്തകൾ മുമ്പ് പ്രചരിച്ചിരുന്നു. ഈ പശ്ചാതലത്തിലായിരുന്നു മാധ്യമപ്രവർത്തകന്റെ ചോദ്യം.
“നിങ്ങൾ എന്താണ് കരുതുന്നത്? മികച്ച ടീമിലാണ് കളിക്കുന്നതെന്നാണ് ഞാൻ കരുതുന്നത്, എന്താണ് നിങ്ങൾക്ക് തോന്നുന്നത്?’ വിരാട് കോലി ചോദിച്ചു. ടി20 മത്സരങ്ങളിൽ നിന്ന് രോഹിത് ശർമ്മയെ ഒഴിവാക്കുമോ? അവസാന മത്സരത്തിൽ രോഹിത് തിളങ്ങിയത് നിങ്ങൾ കണ്ടില്ലെ?( ആസ്‌ട്രേലിയക്കെതിരായ സന്നാഹ മത്സരം) ഈ ചോദ്യം വിശ്വസിക്കാനാകുന്നില്ല. നിങ്ങൾ വിവാദങ്ങളാണ് ആഗ്രഹിക്കുന്നതെങ്കിൽ ദയവായി എന്നോട് പറയൂ. അതിന് അനുസരിച്ച് ഞാൻ ഉത്തരം നൽകാം” കോലി പറഞ്ഞു.
ഇന്ത്യയ്‌ക്കെതിരെ ഒരു ലോകകപ്പ് മത്സരത്തിലെ ആദ്യ ജയമാണ് പാകിസ്താൻ ഇന്നലെ സ്വന്തമാക്കിയത്. പത്ത് വിക്കറ്റിനാണ് പാകിസ്താൻ ഇന്ത്യയെ പരാജയപ്പെടുത്തിയത്. മത്സരത്തിൽ നേരിട്ട ആദ്യ പന്തിൽ തന്നെ രോഹിത് ശർമ്മ പൂജ്യത്തിന് പുറത്തായിരുന്നു.
പാകിസ്താനെതിരായ മത്സര ശേഷം മാധ്യമപ്രവർത്തകരോട് സംസാരിക്കവെയാണ് കോലിയുടെ പ്രതികരണം.
✍? എസ്.കെ.
Leave a reply